الزهرة الزرقاء
53

تقييم الكاتب:53

الزهرة الزرقاء

تقييم الكاتب :53

بتاريخ : 06/05/2011 09:59:00 ص- المشاهدات : 9754

برنامج ساعة مع شريف..شوفوا الاستفزاز وصل لحد فين؟؟؟

برنامج ساعة مع شريف..شوفوا الاستفزاز وصل لحد فين؟؟؟

اسم السلسلة: من لم يهتم بامر المسلمين فليس منهم

من زمان ماتفرجتش على قنوات تلفزيون غير قنوات الاطفال والقنوات الدينية وامبارح بالصدفة كنت فى زيارة عائلية ولفت نظرى برنامج اسمه ساعة مع شريف..
شوية بنات اطفال كل واحدة بترقص على اغنية لسعاد حسنى قلت معلش خلليهم يتسلوا_واللا بلاش خليهم يتسلوا دى احسن بقت حساسة شوية_
وبعدين جت اخر بنت لابسة لبس فلاحة وحاطة ماكياج وبترقص على اغنية "ياتجيبلى شيكولاته"سالها المذيع انتى عارفة يعنى ايه فلاحة؟؟قالت له ببراءة :اه الفلاحة اللى بترقص!!!قلت معلش عدى دى كمان ..والراجل صراحة صحح لها المعلومة وقاللها الفلاحة اللى بتساعد جوزها وبتزرع لنا القمح..
الجريمة اللى انا شايفاها لو عدينا ده كله بقى..سالهم انتو عارفين سعاد حسنى صعبانة عليا ليه؟؟عشان هى اتقتلت وفيه ناس ظلموها وقالوا انتحرت..
ازاى تقول لطفل ماكملش ست سنين دى اتقتلت واللا انتحرت..وازاى تخلليها قدوة وتخلليه يتعاطف معاها..
اللى غاظنى اكتر بقى اللى جاى..
قاللهم ياللا نقرا لها الفاتحة وندعى ربنا يرحمها لانها امتعتنا كتير..
يعنى كمان ربط الموضوع بالدين يعنى لما اجى انا بقى اقول لبنتى ده حرام يطلع لى واحد منهم ويفتى فى دى كمان ويقول ندعيلها عشان امتعتنا..؟؟؟منتهى الاستفزاز بجد

وجاب تورتة حلوة كده عليها صورتها...
وولعوا الشمع وختم الحلقة..
بالله عليكم ده اللى بيعلموه لبناتكم..ولما تطلع البنت شايفة دى القدوة اللى الناس كلها بتكرمها وتعتز بيها..يبقى ماتستغربش لما شوارع المسلمين تتملى استرتشات وبديهات ويوم ماتفكر البنت تتحجب تبقى حاجة كده على ماقسم..
وتبقى طوابير السينمات والمسارح زحمة اكتر م المساجد..
وتبقى الممثلة والراقصة سيدة المجتمع
ولا عزاء للعفيفات الطاهرات!!

المصدر: زهرة زرقاء

اسم السلسلة: من لم يهتم بامر المسلمين فليس منهم

موقع مصراوي غير مسئول بأي شكل من الأشكال عن المحتوى المنشور بالاعلى او مصدره او صحته وتقع كافة المسئوليات الأدبية والقانونية على عاتق المشترك بمقتضى اشتراكه.

تقييم:

مستخدم قيم هذه المقالة


مقالات اخرى لنفس الكاتب

تصنيف بــ :

التعليقات

اضف تعليق

رتب التعليقات

التعليقات

(0) تعليق
الصفحة

أحدث الصور

أحدث الفيديوهات

الآن يمكنك إنشاء حساب جديد للدخول على كتابات بإستخدام حسابك على الفيس بوك.

مساحة إعلانية

أكثر الكلمات بحثا

مقالات متعلقة

أكثر المقالات

افضل الكتاب