عمرو سعد: "الناس اللي كانوا سبب في نجاحنا خطر ننساهم"

كتبت- سما جابر:

شارك الفنان عمرو سعد جمهوره على موقع انستجرام، بصورة مجمعة تضم أفيشات أعماله الدرامية والسينمائية التي قدمها.

وعلّق "سعد" على الصورة قائلًا: "من ساعة ما بدأت وانا باحاول أهتم بالاختيار على قد فهمي وأقدم حاجة ممكن تتشاف أكتر من مرة على قد فهمي برضه.. أحترم زمايلي جدًا وباحاول كل عمل أساعد وخاصًة اللي جديد منهم أو اللي لسة بيبدأ وده لأني فعلًا تعبت قوي في البدايات".

وأضاف: "الأهم من ده كله أني ما انساش الفضل.. لا حد وقف معايا في الأول ومد إيديه ودي ناس قليلين جدًا باتمني أكون منهم.. الناس اللي كانوا خطوة مهمة في حياتنا أو ربنا جعلهم سبب في نجاحنا خطر ننساهم حتى لو كانوا مش محتاجينا.. لأن ربنا مش هايبارك لنا.. وربنا قال لا تنسوا الفضل بينكم".

يُذكر أن عمرو سعد يُعرض له حاليًا فيلم "كارما" الذي يشارك في بطولته الفنانة غادة عبد الرازق وزينة ودلال عبد العزيز ومجدي كامل وخالد الصاوي ووفاء عامر وآخرون، وتأليف وإخراج خالد يوسف.