بالفيديو- شريف منير يوجه رسالة لمحمد صلاح

كتب- محمد مجدي:

حرص الفنان شريف منير على توجيه رسالة للاعب المصري محمد صلاح، بعد إصابته بخلع في الكتف في مباراة أمس، التي جمعت الفريق المحترف بين صفوفه "ليفربول" و"ريال مدريد" في نهائي دوري أبطال أوروبا.

ونشر شريف عبر صحفته الرسمية على "فيسبوك"، فيديو قال فيه "رسالة بوجهالك يا صلاح، ألف سلامة عليك، الرسالة مش مني بس ولا من الشعب المصري بس من الشعب العربي كله بيقولولك ألف سلامة عليك".

وتابع "كان واضح إن الموضوع متعمد من الأول وباينة الحالة من قبل نزولك للملعب ونظرة كريستيانو رونالدو ليك وانت نازل الملعب كلها غل وحقد، وراموس معروف في لعبه ناشف وطول عمره بيكسر اللاعيبة اللي قصاده، وطبعا كان حاطك في دماغه ان شاء الله هتقوم بالسلامة وتفضل الملك المصري، لعبت ماتش نضيف وليفربول حسوا بالنقص والهزة لما سبت الماتش ومشيت سلامتك ودعواتنا كلنا ليك وتحيا مصر".