مروة عبد المنعم تنجو من حادث.. وتعلق: "منظر مرعب"

كتب- مصراوي:

روت الفنانة مروة عبد المنعم تفاصيل نجاتها من حادث، حيث كتبت عبر حسابها على فيسبوك: "ماشية بالعربية حالاً و فجأة عمارة جنبي بتقع عليا بالظبط.. حودت بالعربية شمال متر واحد بس هو اللي أنقذني".

وتابعت: "منظر مرعب جدًا.. واقفة جنب المنظر بتفرج عليه بدهشة.. العبرة مش في إني مامتش.. لأن عمومًا الموت راحة.. العبرة في رساةه باعتهالي ربنا في الوقت ده بالظبط وأنا بدعيله حاجة معينة في اللحظه دي.. كأنه بيرد عليا وبيقولي أنا ممكن في لحظه أخدك.. بس لأ.. خدي فرصة عيشي.. واعرفي إن مفيش حاجة في الدنيا تستاهل".

وأضافت: "بيقولي أنا بس اللي أقدر أحميكي.. وأنا جنبك، الحمد لله رب العالمين.. ملحوظة: العربية اللي ورايا اتدمرت.. معرفش فيها حد مات ولا لأ، ربنا لحكمة منه ماخترش عربيتي واختار العربية اللي ورايا".