بعد وفاة غزل.. برديس تعلن اعتزال الرقص

كتب- محمد مجدي:

أعلنت الفنانة الاستعراضية برديس، عبر حسابها الشخصي بموقع التواصل الاجتماعي "فيسبوك"، اعتزالها الرقص الشرقي، مؤكدة أنه قرار نهائي لا رجعة فيه.

وجاء قرار برديس تأثرًا بوفاة صديقتها الراقصة الاستعراضية غزل، أثناء إجرائها لعملية جراحية، في 3 أغسطس الجاري.

وكتبت برديس، قائلة: "لكل حبايبي واخواتي وأصحابي اللي بيحبولي الخير، أحب أقولكم أنا اعتزلت الرقص الشرقي تمامًا، وده قرار لا رجعة فيه بجد.. أد إيه الإنسان لسان في ثانية عند ربنا وأنا كنت على علم بكده بس بجد الواحد كان في غفلة، قسمًا بالله أنا أول مرة أفقد حد كنت بشوفه قدام عيني من نفس المجال، والله العظيم من يوم سماعي الخبر وأنا متدمرة"، لافتة إلى أنها لم تحضر جنازة غزل لأنها كانت في نفس التوقيت خارج مصر.

ورفضت برديس الهجوم الذي تعرضت لها غزل، متابعة "قطع لسان أي حد يجيب سيرتها محدش عالم بظروف حد إلا ربنا".

وأضافت: "الحمد لله ده قراري بجد وعلى فكرة أنا مش لابسة الحجاب، أنا عايشة حياتي بالتزام وعايشة سني اللي بيضيع مني في مجال كله يالا نفسي، وربنا يديني الخير ويديني الذرية الصالحة، وأنا مش مسؤولة عن أي صفحة تنزل صور ببدل أو أي فيديوهات أو أي كليب نزل أو هينزل، دي حاجات قديمة أنا صفحتي دي الشخصية وأنتو كلكو أصحابي وبحبكم.. ربنا يحسن خاتمتنا ويهدينا جميعا".

وطلبت برديس من الجميع غلق أي صفحة تعرض صور وفيديوهات رقص قديمة لها: "ياريت كل أصحابي يقفلوا أي صفحة من الصفحات اللي عليها صور الشغل ويعملو شير لأصحابهم، دي مساعدة منكو ليا".