تعرف على رسائل تامر حسني بعد العرض الخاص لـ "أهواك"

كتب - محمد صالح:

وجه الفنان تامر حسني مجموعة من الرسائل لجمهوره وزملائه من الفنانين بعد العرض الخاص لفيلمه الجديد "أهواك".

وأقيم العرض الخاص لـ "أهواك" مساء أمس الأحد في حضور عدد كبير من زملاء تامر حسني، وأيضا مجموعة من الجمهور.

وتحدث تامر عبر صفحته الرسمية بموقع "فيسبوك" قائلا: "ألف شكر لكل من حضر العرض وشكراً لزملائي الفنانين اللي فعلاً باركولي من قلوبهم وبشكر جميع السادة الصحافيين والإعلاميين وبجد أنا أكتر من فرحان من ردود أفعالكم على الفيلم والأغاني لأني توقفت ثلاث سنوات عشان اذاكر اكتر واجتهد اكتر في تقديم مرحلة جديدة لي وفرحان اكتر اننا عملنا فيلم فرحكوا وضحكوا والعيله كلها تقدر تشوفه".

وأضاف: " بشكر كل ابطال العمل اللي فعلاً مفاجأة كبيرة للجمهور وكل واحد فيهم أدى دوره بشكل اكتر من هايل بشكر السبكي انه صدقني في فكرة انه لازم يغير ويطور ويصرف على الصوره واهو انهارده عمل كده ونص ومقالش على اي طلب لأ مهما كان وقدم لنا رنا بنته عشان تنتج بنفسها الفيلم ده تحت إشرافه".

واختتم رسالته بالحديث عن المخرج محمد سامي قائلا: " نيجي بقي للمخرج محمد سامي اللي هفضل اقول عليه عبقري طول حياتي محمد اللي صور شوارع مصر واماكن مصر بالرقي ده اللي خلّا كل ممثل فينا يمثل بإختلاف بقوله امام الجميع شكراً يا محمد وانا فخور اني قدمت للساحه الفنيه فنان بموهبتك اللي ملهاش زي يا فنان يا عبقري بجد شكراً يا محمد".

تامر حسني قام ببطولة "أهواك" مع الفنانين غادة عادل، محمود حميدة، انتصار، وأحمد مالك، والفيلم تأليف وإخراج محمد سامي.