سؤال العدد
ليه بنحتاج التفكير الإبداعي وإحنا بنحل مشاكلنا؟
لأننا كشباب بنواجه كل يوم مشكلات كتير ولازم نلاقيلها إجابات وحلول مناسبة، فالتفكير في الاشياء والظواهر والناس والمواقف بيؤدي إلى نتائج مختلفة حسب طبيعة المعلومات ونوعيتها والقدرات العقلية اللى عند كل واحد. وإذا قدرنا ننظم قدرات العقلية دي وندعمها بخيال غنى هنكون مبدعين ، فالإبداع سر من أسرار التفوق في ميادين الحياة وهو اللي بيغير عالمك المحيط بك ويخلصك من الملل والتكرار ويدفعك للتطوير والتغيير.
إيه بقي هو التفكير الابداعى بالظبط؟
هو نشاط عقلي هادف توجهه رغبة قوية في البحث عن حلول، أو التوصل إلى نتائج لم تكن معروفه من قبل، وعلشان نفكر تفكير إبداعي لازم نفكر بخطوات منظمة.
1.القدرة علي توليد عدد كبير من البدائل والسرعة والسهولة في توليدها ودي عبارة عن عملية تذكر واستدعاء لمعلومات أو خبرات أو مفاهيم سبق تعلمها.
2.القدرة علي توليد الافكار المتنوعة واللي ما تكونش متوقعة أو عادية.
3.الخبرة فهي شرط لكل النتائج الإبداعية.
4.القدرة علي اضافه تفاصيل جديدة ومتنوعة لفكرة أو حل للمشكلة.
5.الوعي بوجود مشكلات، أو عناصر ضعف في البيئة أو الموقف.
ما نتيجة التفكير الإبداعى؟
تقويه الخيال والإحساس، وتوجيه مشاعرنا نحو أهداف جميلة، وتنمية فكرنا ومعلوماتنا وثقافتنا، ورغبه في تقديم الجديد كل يوم، وزيادة حبنا لأنفسنا وللناس، والإقدام على مصاحبة أصدقاء مبدعين ناجحين.
ماذا لو فشل الحل المقترح للمشكلة؟
أولاً لازم نعيد تحديد المشكلة من البداية ووصفها مرة تانية بدقة أكبر ونرسم حدودها كويس قوي ونحرص علي تحليل المشكلة لمكونات أكثر بساطة ونجمع البيانات المرتبطة بالمشكلة من أفضل المصادر المتاحة اللي بتوفر المعلومات والبيانات. ودراسة الحلول المقترحة دراسة نقدية يجعل الحل أكثر وضوحاً.
ويمكن الحلول المألوفة أو العادية تكون مش ملائمة لحل المشكلة وعلشان كده لازم نفكر في حل جديد يخرج عن المألوف وعلشان نوصل للحل ده بنمارس التفكير الإبداعي لحد ما نلاقي حل جديد مناسب.
نانسي البنت المصرية