إعلان

دورة فيتيولوجي لكرة القدم برعاية "مصراوي"

10:02 م الأربعاء 06 مايو 2015

دورة فيتيولوجي لكرة القدم برعاية مصراوي

القاهرة- (مصراوي):

ببساطة احنا قررنا ندعم كل ما ليه علاقة بالرياضة، أياً كان شكل الرياضة اللي هتمارسها، المهم إنك تكون مبسوط وتلعب رياضة، مش مهم نوع الرياضة المهم الرياضة نفسها.

بدأنا باللي بتأسر قلوب الكثيرين من الناس وهي كرة القدم، عملنا أول دورة وحققنا نجاح في تنظيم البطولة بالجهود الذاتية، وكانت تحت شعار #ضد_الشتيمة، ليه انفعالتنا كلها مقترنة بالشتيمة واحنا بنلعب كورة.

نجاح الدورة اللي فاتت خلانا نطمع في أننا ننظم دورة جديدة، بس المرة دي 16 فرقة، وده هنجهز بيها لدورة رمضان الكبرى المقرر إنها تكون 32 فرقة.

احنا في الآخر بنشجع الرياضة وبننبذ العنف أو ما يؤدي لها من تعصب، عاوزين الناس كلها تلعب اللي بتحبه من غير توتر وتعصب، على الأقل تبقي دي الحاجة الوحيدة اللي بتخرجنا من ضغط اليوم، ما تبقاش هي كمان ضغط.

مستنينكم تشاركونا في دورة فيتيوليجي أيام 12،13 و14 مايو الجاري، على ملاعب حديقة المدفعية، طريق السويس، جهزوا فرقتكم وتعالوا نلعب من غير #شتيمة.

فيديو قد يعجبك: