إعلان

"أسف يا ريس": تأملوا الصورتين "لو حطيت طوبه في سد النهضة هنسفهولك"

11:37 ص الجمعة 08 يوليو 2016

القمة الافريقية 2010


كتب- أحمد لطفي:

نشرت صفحة "أنا أسف يا ريس" المؤيدة للرئيس الأسبق حسني مبارك، صورتين من القمة الإفريقية عام 2010 وآخري العام الحالي.

وقالت الصفحة، اليوم الجمعة، إن "شايف مين اللي متزعم القمة وواقف اول صف كتف بكتف جنب رئيس الدولة المنظمة ومتصدر المشهد وبقية رؤساء وحكام الدول الافريقية كلهم يا جنبه يا وراه ؟ عارف ده مين ؟ ده مبارك اللي قالوا عليه مقاطع افريقيا وهو بيقود ويشارك في اخر قمة في عهده سنة 2010 قبل و كسة يناير مباشرة..يعني لا كان مقاطع ولا كان بعيد زي ما فهموك علشان يداروا علي فشلهم وان سد النهضة نتيجة ثورتهم !".

وتابعت: "من الاخر مبارك كان بالنسبة لدول افريقيا هو الBig boss الراس الكبيرة فتوة و كبير قارة افريقيا سناً وتاريخاً وقوة وشخصية مستمدها من حكم مصر ومن قواتنا المسلحة ومن علاقاته القوية بجميع دول وحكام العالم يعني من الاخر معاه القوة و العلاقات اللي تخلي اي دولة افريقية تفكر مليون مرة قبل ما تعمل حاجة تضر مصر ومصالحها".

وأكدت أن رئيس وزراء إثيوبيا آنذاك كان دائم الطلب للقاء اللواء عمر سليمان، إنما حاليا لم يستطع أحدا الحديث معها- على حد وصف الصفحة؛ " استسمح ساعتها الرئيس مبارك انه يبني سد النهضة قاله لو حطيت طوبه فيه هنسفهولك وراح مشاه قفاه يقمر عيش ولأن الرئيس مبارك ليه قرايب مهميين استغل علاقاته مع جميع الدول ووقف اي تمويل لأثيوبيا يخليها تبني سد النهضة".

وعلقت الصفحة على الصورة التانية، قائلة: "دي ينطبق عليها حكمة لا تقتلوا أسودكم حتي لا يأكلكم الذئاب ..اسرائيل متزعمة دول حوض النيل واثيوبيا اللي مكناش بنسمع عنها حاجة زمان دلوقتي مش بنت سد النهضة اللي هيعطشنا بس لا ده كمان بتطالب إسرائيل النهاردة بالانضمام لدول حوض النيل ونتنياهو اهو بيطلعلنا لسانه وبيضحك علينا ! عرفتوا لية بقي كان لازم مبارك يمشي ؟".

afef1

فيديو قد يعجبك: