السيسي:"ما بخافش...ولا أسمح بالاختلاف"

كتبت-عبير القاضي:

قال الرئيس عبد الفتاح السيسي، "أنا مش بخاف ولو خفت مافيش اى حاجة هتخلص هعملها ولا دلوقتي ولا هتخلص بعد 10 سنين، أنا كنت عايز اقول الكلام ده علشان أدي أمل للناس وللمستقبل، وهناك مشروع قومي مش هقدر اتكلم فيه".

وأضاف السيسي، خلال كلمته من الفرافرة تزامنًا مع اطلاق إشارة البدء لحصاد أول محصول للقمح بالمشروع بعد إن تم زراعة 7500 فدان منه هذا الموسم، الخميس، "مصر دولة قانون ودولة مؤسسات وبتحترم نفسها والعالم بيحترمها، والناس مش هتسيبنا، وكل ما هننجح أكتر كل ما أهل الشر هيدوروا على مكايد أكتر فخلي بالكم، انا عايز اقولكم على حاجة لن اسمح بالاختلاف ابداً، ولا تسمحوا بالاختلاف مصر هتبقى قوية باصراركم انتم وبوحدتكم".

وتابع السيسي، "أنا بشكركم وبشكل كل من عمل لاعطاء امل للمصريين، وفي الآخر بقولكم تحيا مصر تحيا مصر تحيا مصر".