بالصور.. باسم يوسف لمنتقدي ارتدائه لزي الجيش الأمريكي: "يلا زيطوا"

كتب - علاء أحمد:

قال الإعلامي الساخر، الدكتور باسم يوسف، تعليقًا على اتهام البعض له أنه أعلن ولاءه للجيش الأمريكي، "الغريبة اني ناشر الصور بتاعتي و انا لابس لَبْس مموه في برنامج باسخر فيه من السياسة الامريكية في برنامج تم الإعلان عنه اكتر من مرة".

وأضاف يوسف، على صفحته عبر موقع التواصل الاجتماعي "فيسبوك"، "الصور اتاخدت في معرض أسلحة و ده شئ عادي هنا.. وانا باتريق على جنون امتلاك السلاح هنا و التعديل التاني من الدستور الامريكي.. و حطيت الصور على انستجرام و على تويتر و بتقول اني بصور برنامج".

وتابع: "مع ذلك فيه ناس عبيطة بتقول اني بأعلن الولاء لامريكا ولابس لَبْس الجيش بتاعهم عشان كده. انتم هبل؟ ما أعتقدش؟ انتم بتستعبطوا و عارفين أنكم بتستعبطوا.. وأدي الصور تاني، ياللا زيطوا".