أخبار تم حفظها

قصيدة جديدة للشارع تيم البرغوثي: يا مصر هانت وكلها كام يوم

قصيدة جديدة للشارع تيم البرغوثي: يا مصر هانت وكلها كام يوم

اضغط للتكبير

جانب من احادث الغضب - مصراوي

2/4/2011 9:09:00 PM

كتب- ادهم عطية:
قام الشارع الفلسطيني الشاب، بنظم قصيدة، اهداها  للشعب المصري، ولشباب التحرير، اسمها '' يا مصر هانت.. وكلها كام يوك''، تميم مريد البرغوثي شاعر فلسطيني، يعتبر نفسه نصف مصري ونصف فلسطيني.

اشتُهر في العالم العربي بقصائده التي تتناول قضايا الأمة، وكان أول ظهور جماهيري له في برنامج أمير الشعراء على تلفزيون أبو ظبي،حيث ألقى قصيدة في القدس التي لاقت إعجابا جماهيريًا كبيراً واستحسان المهتمين والمتخصصين في الأدب العربي.

البرغوثي، حاصل على الدكتوراه في العلوم السياسية من جامعة بوسطن بالولايات المتحدة الأمريكية عام 2004، عمل أستاذاً مساعداً للعلوم السياسية بالجامعة الأمريكية بالقاهرة، ومحاضراً بجامعة برلين الحرة، كما عمل بقسم الشؤون السياسية بالأمانة العامة للأمم المتحدة بنيويورك، وبعثة الأمم المتحدة بالسودان، وباحثاً في العلوم السياسية بمعهد برلين للدراسات المتقدمة وهو حالياً أستاذ مساعد زائر للعلوم السياسية في جامعة جورج تاون بواشنطن، له كتابان في العلوم السياسية.

تميم البرغوثى يامصر هانت وبانت كلها كام يوم

شاهد الفيديو

تميم البرغوثى

 

قصيدة تيم الجديدة عن مصر:

يامصر هانت وبانت كلها كام يوم... نهارنا نادي ونهار الندل مش باين

الدولة مفضلش منها إلا حبة شوم..

لو مش مصدق تعالي ع الميدان عاين ياناس مفيش حاكم إلا من خيال محكوم..

واللي هيقعد في بيته بعدها خاين اللي هيقعد كأنه سلم التانيين للأمن بإيديه وقاله هما ساكنين فين..

وصلت لضرب الرصاص ع الخلق في الميادين حتى الجثث حجزوها اكمنهم خايفين..

يامصر أصبحنا أحياء وميتين مساجين فاللي هيقعد في بيته يبقى مش مفهوم..

واللي هينزل الهي حارسه صاين يامصر هانت وبانت كلها كام يوم..


نهارنا نادي ونهار الندل مش باين.

نهارنا نادي وبايدينا علي فكرة.. الصبح عنده فضول راح نعمل إيه بكرة.

إيده علي الباب وخايف يلمس الأكرة.. ادخل ياأستاذ براحتك والبلد حرة.

إحنا زهقنا نشوف الصبح من برة.. ادخل وخرج بقايا العتمة بالمرة.

الناس ديه حرة وجنود الأمن مضطرة.. ياصبح طلعت روحنا لجل تيجي ياخي.

طالعين نجبيها أهو فى كل حارة وحي..حتى لو ضربونا بالرصاص الحي.

شوف الميادين كدة مفروشة خلق وضي.. دايما مفاجأة ودايما وقتها معلوم.

الحكم لينا وليك الحق يامداين.. يامصر هانت وبانت كلها كام يوم .

نهارنا نادي ونهار الندل مش باين.. ياصف عسكر بدال الدرع شيلوة اثنين.

25 يناير ياشباب فاكرين.. كان فيه انجليز ووزير الداخلية تخين...

كان عنده برضه عساكر زيكم جامدين.

 

سابهم يموتوا علولا لم سأل فيهم.. كانوا شبهكم اساميكم اساميهم.

ياعسكري البهوات اللي بتحميهم.. ممكن يردوا عليك لما تناديهم.

ياعسكري أنا أصلي بس بستغرب.. لو لاقي تأكل وتشرب قوم ياعم اضرب.

اضرب عشان الوزير من ضربتك يطرب.. لكن هتشتغل ايه لما الوزير يهرب.

أما الشديد القوي القادر أبو القادر.. برميل تلامة نشع علي مصر من الآخر.

لو شفته معددة تكتب ادب ساخر.. ثابت يقول للهرم ياكابتن اتاخر.

ولم يزل معتقد ان الهرم هيقوم.. ادي الحجر والبشر قايمين ياسيد القوم.

والدين هيترد ياللي عشت متداين.. يامصر هانت وبانت كلها كام يوم.

نهارنا نادي ونهار الندل مش باين.. ده حكم أسرة ولا خوفو ولا خفرع.

ولا وجع بطن يتعالج بزيت خروع.. عمل مسوجر بعيد عنك ولايطلع.

جربنا فيه كل شىء ملقينا شىء ينفع.. منفعش بالأدوية جربنا ألف طبيب..

ولا بعطارة شيوخ ليهم بلح وزبيب.


ولا بجحفل مغولى وضرب بالقباقيب.. عمل مسوجر وسفلي شغل تل أبيب.

وشغل أمريكا متغلف وختمة عليه.. ضيف زارنا ياعم من غير دعوة لابس بيه.

قعد 30 سنة مايقولش قاعد لية.. والنية يديها لابنه النابغة بعديه.

ويقول قضا وقدر بين البشر محتوم.. قولناله طيب ومين قال للقدر معلوم.

واش عرفك يافخمتك بالذي كاين.. يامصر هانت وبانت كلها كام يوم..

نهارنا نادي ونهار الندل مش باين

اقرأ ايضا :

البرادعي: ليس هناك ما نتفاوض حوله طالما مبارك باقي

الكلمات البحثية:

قصيدة ن تيم البرغوثي | مصر |

أضف الخبر الى

تويتر FaceBook MY YAHOO! Google WindowsLive
اضف تعليق
من أجل عالم أفضل