| علاءالدين |
| الي من جعله (الله)سبب ليتبسم الناس في هذا الزمان كل التقدير |
|
| شبيك لبيك .. ميكا بين ايديك، قد ايه اسعدتنى برسالتك |
| ورقة توت |
| السلام عليكم انا صديقة جديدة ادعولى بكرة هعمل عملية ف عينى وربنا يشفينا كلنا |
|
| ربنا يتم شفاكى يا انسة ورقة :) |
| دودوكات |
| كل سنة وانت طيب ياميكا عامل ايه بتوحشنا اخبارك انا عايزة اعرف انت بتكتب كل فترة اد ايه عشان بستنا حلقاتك باستمرار وبشوق بالتوفيق ياميكا |
|
| وانتى طيبة يا دودو .. وشكرا لسؤالك علينا وانا مقدرش اتاخر |
| وليد |
| ازيك يا ميكانيكي انا اول مره اشترك معاكي وعندي ليك سؤال مهم جدا.. تفتكر لو اديت العربيه بنزين 95 هتعمل ايه ؟؟ |
|
| هى من اولها كده "معاكى"، واضح ان مش بس العربية اللى عايزة ال 95 :) .. عموما بنزين 95 بيبقى كويس للعربيات اللى موديلها جديد |
| المنتحر |
| لا صباح ولا مسا وعندى سؤال لازم تجاوب علية اية رايك فى الجواز واتجوز ولا اعيش عازب احسن يعنى حر اي رايك |
|
| اتجوز طبعا ، بس اهم حاجة حسن الاختيار، ويكون فيه تكافوء ثقافى – اجتماعى – مادى .. ولازم الاحترام والصراحة والصدق من البداية عشان تبقى جوازتك سعيدة وهنية |
| man |
| ايه الظرف اللى احنا بقينا فيه دا دا بقى غير كميات الظرف اللى ملهاش حدود بطلوا اللى انتوا فيه دا ؟؟ قال انتا متجوز ولا خاطب يا ميكا لذيذ اوى بصراحه |
|
| اولا: ارحب بيك معانا وكنت احب اتشرف باسمك، ثانيا: احترم رايك، ثالثا: ده رايك الشخصى وفيه كثير بيتفقوا ويختلفوا معاه ولولا اختلاف الاذواق... |
| اسماعيل يس |
| مش عارف اقولك مساء الخير وله صباح الخير من كتر همومى ياميكا ادخل عندك ارتاح واحس ان الدنيا لسه فيها كتير لازم اعمله ربنا معاك |
|
| ربك موجود .. اشيكى له وادعى له |
| وائل سامى |
| اسمحلى اقولك يا ميكى من اول رساله مشاركه ويشرفنى انى ابقى صاحب ليك ودى قصيده ليا وعاوز اخد رايك فيها: لا يا قلبى لا يا قلبى اوعاك يبان عليك الخوف مهما تكون صعبه الظروف ومهما تقاسى ومهما تشوف هنكمل انا وانت يا قلبى هنكمل ولاخر طريقنا حنحاول نتحمل ربك اكيد حاسس بيّ وبيك حاسس بكل الجرح اللى ماليك ومش حتلاقى غيره يداويك بس انت قول يارب هون هون جراحى اللى على كل لون بتتلون ربك عمره ماحينساك ولا عمره حينسى اساك اكيد حيطيب جرحك وقريب قوى حيقرب فرحك واكيد حاسس بنارك وانت بعيد عن دارك وعارف انك متغرب ربك حاسس بدموعك والالم اللى جوه ضلوعك اكيد عارف ان الفراق تاعبك وانت بعيد عن اللى بيحبك بكره لدارك حتعود وفرحك يا قلبى موجود ومهما طريقك كان مسدود ما تخافش يا قلبى ده ربك موجود وبكره اكيد جاى احلى وايامك ياقلبى حتحلى |
|
| ايه ده ايه ده، فى بيتنا شاعر ... فعلا ربك موجود. جميلة جدا يا استاذ وائل ماشاء الله على موهبتك، انت ممكن تشارك بيها فى مصراوى على خدمة "كتابات" وتعرف راى باقى اعضاء كتابات http://www.masrawy.com/ketabat/ |
| yusuf |
| الرحمة يا عم ميكو احسن جيوبنا فاضية وانت بتاكل لحمة وبتسوينا عالفحمة |
|
| ياساتر على القررررر |
| جعيدى ولد مخلوف |
| عجول إيه يابوى ايه الكلام المتلخبط ده اللى مابينله عربى من انجليزى هى العيال اللى عم تكتي دى ماراحتش كتااب واصل ولا إايه ياعم ميكه |
|
| الواد عم يهزر معاك يا عم جعيدى ده لساتو صغير وبنعلموووه .. تشرب شاى؟ |
| غنوة |
| صباح الخير يا ميكا يارب تكون باحسن حال انا بجد مش قادرة انام و خايفة على مصر بلدى اوى والتفجيرات اللى حصلت خليتنى بجد مصدومة و حزينة و صعبان عليا اوى كل اللى ماتوا سواء من اخوانا النصارى او من المسلمين ليه بقى حالنا كده يا ميكا و ليه فقدنا ثقتنا فى بعض احنا اتربينا من واحنا صغيرين نحب بعض و نثق فى بعض و نخاف على بعض و عمرنا ما قولنا مسلم و مسيحى بجد بلدنا محتاجة دعواتنا و وقفة بجد من كل اللى قلبهم على الوطن ولا ايه رايك يا ميكا ؟ |
|
| معجب جدا بكلامك ومقدرش ازود عليه حاجة |
| your_death |
| يا ميكا ياميكا ياميكانيكي انت ليه عليا ما بتردش؟؟؟ أنا كنت بعتلك قبل كده علشان نفتح ورشة مع بعض انت التلت وانا التلتين قلت ايه؟ ياريت لما توافق تبقى ترنلي ولو مش معاك رصيد ابعت بليز كول مي |
|
| مش موافق طبعا .. اقل من الربع مش هقبل |
| عيون المها |
| السلام عليكم ورحمه الله وبركاته ازيك يا بشمهندس يارب ديما بخير حضرتك انسان جميل بجد ومن حبه ربه حبب فيه خلقه وكل الناس هنا بتحبك وانا كمان بحب اسلوبك الجميل وزوقك في الحوار في حفظ الله ديما |
|
| رسالة رقيقة بشكرك عليها |
| lora |
| انا مش هاقول حاجة للمكانيكى معلش يا ميكى اصل ماما قالت لى متكلميش غرب بتخاف عليا بقى معلش بقى اصل نظام يا مخلفه البنات يا شيلا.... للمامات ماشى اليومين دول فى العيلة |
|
| لاء يا لورا، هى خايفة عليكى من اللى بنشوفة فى الزمن ده .. وانتى ان شاء الله لما يبقى عندك اولاد هتخافى عليهم كده وهتقولى ان مامتك كان عندها حق... المفروض تحمدى ربنا ان مامتك مهتمه بيكى، لان فيه اباء بيسبوا ولادهم ومابيعرفوش هما رايحين فين ولا جايين من فين ومين اصحابهم.. وفى الاخر الاولاد دول بيقعوا فى مشاكل واسلوب حايتهم مبيبقاش مظبوط |
