| الدكتور |
| اوعى تكوم بترمى مسامير لعربيات وتكون نيتك وحشة |
|
| أرمى مسامير .. لاء ، نيتى وحشة ... آه |
| ميزو |
| بكام كيلو البنزين أنهرده |
|
| حتشرب هنا ولاّ تيك اوى؟ |
| haitham |
| ميكا صباح الفل وحشتنا كتير انا بيعجبنى اسلوبك جدا واية اخبار الورشة |
|
| زى الفل يا هيثم ، بينقصنا بس وجودك |
| علاء |
| الدنيا كلها غيلان يا تعيش اسد ياما قطة، كل ما تديهم الامان يخونوك اعيش اية |
|
| عيش الاثنين .. "أسد" بس من غير افترى و "قطة" بس من غير سذاجة |
| mooony |
| هاي انا اسمي موني ودي اول مرة اكتب لك فيها بس بجد انت انسان لذيذ ومهضوم ولطيف ويارب تفضل كده ع الطول .الله يحفظك ويارت تعتبرني صديقة من ضمن الالاف .بااااااي |
|
| نورتينا يا انسة مونى ... وشكرا على ذوقك |
| رامى |
| ايه يا جامد متوقع ايه فى ماتش مصر الجاى مع الجزائر ؟ |
|
| كل شىء وارد يا رامى ، بس اهم حاجة اللاعيبة يعملوا اللى عليهم وربنا هيوفقنا ان شاء الله ... بس فى حاجة عايز اقولها لجمهور البلدين ان مصر والجزائر بلدين شقيقين، ودى رياضة يعنى تنافس شريف فى الملعب وبره الملعب، فملوش لازمة التعصب الظاهر بين الجمهورين لانه مش هياثر على نتيجة الماتش ، ولكن هيأثر على العلاقات بين الاشقاء (وده الاهم) ... بس ان شاء الله هنكسب من غير مباراة فاصلة |
| سهرالليالي |
| ايه ياميكا بقالي فتره ببعتلك رسايل مش بترد عليه علي فكره انا كده هزعل منك وعلي فكره ياريت تقولي نكته لاني مكن عاشقه النكت وانا معجبه باسلوبك ياميكا ياريت ترد عليه بقي لاني عايزه اشوف ردك هيكون ايه وبعدين انت ليك عندي مصلحه كبيره هقولك عليها اول مترد عليه سلام ياميكا |
|
| فيها مصلحة يبقى لازم ارد، معلش يا انسة سهر كنت مشغول شوية وبعتذر عن التاخير.. هاا ايه المصلحة بقى |
| THe Big Sezar |
| موقع مميز وتعليقات ممتازه شكراا للجميع |
|
| شكرا |
| tefa |
| يا ريت يا ميكا تقولى رأيك فى انفلوانزا الخنازير هاااااااطسى |
|
| لاء لاء لاء ، ياريت تهااااطسى بعيد لو سمحت الواحد مش ضامن، ممكن تعرف تفاصيل اكثر من خلال الرابط http://www.masrawy.com/news/world/swine_flue.aspx |
| shahi |
| قولي ياميكانيكي ياقمر يااصلع انت هو انت فتحت الباب علي مراتك ولا ايه الباب مفتوح في ايد حد طلعه من تحت الباب شكللك عاملها قصد |
|
| انا راى انك تتاكدى بنفسك ... تعالى جربى وخبطى على الباب |
| bobo |
| ازيك يا ميكا انت واحشنى مووت غيبت عنك كتير بس وحيات المتور انت واحشنى يارب تكون بخير ديما ً وكنت عايز اقولك تخلى بالك وانت بتصلح عشان فى ميكانيكى منافس ليك شكله اخذ الزباين انا شكلى هحبسه مع انى مبحبش اظلم حد وسلملى على الناس الى فى الورشة كلهم |
|
| شكرا على راسلتك ، انا محدش يقدر ياخد زباينى منى ، هو كل من مسك مفتاح 14 بقى ميكانيكى ، انا زباينى صفوة المجتمع |
| mohamed |
| مش عارف انا كل مابروح مشوار بنسى انى كنت رايحه ليه انا بقيت انسى جامد اووى ايه الحل |
|
| خلى معاك ورقة وقلم وسجل فيهم ملاحظاتك عشان متنساش |
| اسماء جواد |
| هاااااى ميكا انا سعيدة انى دخلت ورشتك وبقوللك صبااااااااااااااااح الفل |
|
| صباح النور يا انسة اسماء |
| هبه |
| بجد انت دمك فقرى قوى بس يا ترى انت طول اليوم funnyولا خنيق |
|
| انتى عايزة ايه طيب؟ ايه اللى يبسطك عشان معملوش؟ |
| nasffantom |
| اه ياعم ميكا انا برمى التماسى اجدع تماسى احسن تماسى لحسن تقولو ان انا ناسى |
|
| وليه ترميها بس ، ما تديهانى فى ايدى على طول |
