| semsema |
هاى ميكا عاجبنى اوى اسلوبك وحوارك بجد يجنن اتمنى نكون اصحاب ويلا بقى عربون صداقة صلحلى العربية اللى لسة مااشترتهاش دى واللى شكلى مش هاشتريها عمرى |
|
| اعتبريها اتصلحت يا انسة ومش عايز فلوس |
| حوده |
صبح صبح يا نعننة أخوك زميل مهنه حبيت أصبح بس |
|
| جيت فى وقتك يا حودة ، تشرب شاى ؟ |
| حيران |
ازيك يا ميكا من ردودك على زباينك اوعجبت بشخصيتك جدأ بس عندى سؤال ليك ما دمت عندك كل الردود لو بتحب حد معاملته تخليك تبعد عنه وانت مش قادر تبعد عنه لانه مش كل الاوقات كده تعمل ايه |
|
| حتوصل لمرحلة وبرضه هتبعد عنه، لانك هتكون جبت اخرك ، فبلاش وجع الدماغ ده ، اصل دى عادة يا حيران وصعب يغيرها |
| withoutname |
هاى عليكوا انا احمد من مصر ودى اول مره ادخل فيها الورشة هنا فممكن نبقى اسره مع بعضينا
على رأى كريم عبدالعزيز |
|
| تنور يا لهو يا خفى |
| هيمــآز |
ميآ مسـآء ع الكبآتين الحلـوين الطعـمين المسكـرين أنآ طبعآ أول مـرة واكيـد أخـر مـرة بس عآيز اسـآلك سـؤال اية أغـرب موقـف حصـلك ؟ |
|
| انى مش مستوعبك ... راجل مبالغ فيه |
| اميره مملكه الحب |
ازيك ياميكا والله العظيم انت بجد عسل اوى على فكره انا متابعه الورشه بتاعتك بقالى تسع شهور بس عمرى ماكتبتلك ودى اول مره اكتبلك بس انا بتمنى انك تقبلنى صديقه ليك وياريت بجد اعرف سنك لأن السؤال ده اتسألك كتير وانت مش بتجاوب |
|
| مستحملانى تسع شهور!! ... يا صبرك علينا يا اميره ، عموما منوره الورشة واكنى مسمعتش حاجة
:p |
| ميدو |
أزيك يا ميكا انا عندى مشكله فى الشغل مع واحده زميلتى وهيا مش سايبانى فى حالى بفكر اسيب الشغل بسببها |
|
| مش سايباك يعنى معجبة بيك وبتطاردك ؟ ولا بتقرفك؟ عموما فى الحالتين ما تديهاش وش ولازم تاخد موقف يا ابو الرجال |
| walid |
ميكا مساء جميل عجبتني ورشتك قلت اخش وامسي بس خلي بالك جالي اخبار ان الانفلونزا الجايه هتبقي في انفلونزا الموتور هههههههه |
|
| لاء ان شاء الله ورشة ميكا مش هتجيلها اى انفلونزا لانى دائما ببخرها باحلى شكمان عندى ، ومافيش فيروس هيستحمل |
| غاوى ناقد |
ميكانى ياعم شوفلك شغلانه تاكل منها عيش كفايه علينى اسامه منير و سناح انور كمان مش لقيه شغلانه تعمله كفايههههههههههههههههههه |
|
| شكلك ضليع فى قواعد اللغة العربية |
| mohanad |
لية الطيب فى الزمن دة اهبل ؟؟ |
|
| مين قالك انت الطيب فى الزمن ده اهبل؟ هو اه المعايير مقلوبة فى الزمن ده بس فى الاخر الطيب هو الصح لانه بيعامل الناس بالطريقة اللى امرنا بيه ربنا .. بس لازم تكون طيب وقوى فى نفس الوقت يعنى ناصح مفتح وبتعامل الناس باحترام |
| الفرعون المصرى الصغير |
يا ميكا انا اول مرة ادخل فيها مصراوى ودخلت علشان اصدقائى قلولى انهم بيكلموك وانت بترد عليهم وعلشان كدة دخلت علشان اشوفك واتكلم معاك |
|
| اطلع من دول يا فرعون ، انت متحنط فى الورشة هنا |
| pop |
ربنا ما ينوملك عجلة بتمنالك التوفيق فى كل ورشة |
|
| انت دخلت استبن قلبى بكلامك ده |
| ettsh |
انا بسلم على ميكاااا وكل اصحابه وربنا يحبب فيك خلقه |
|
| ناس ذوق ذوق ذوق |
| souher |
الحقنى يا ميكاااااااااا انا عندى مشكلة كبيرة اوى انى مش بحب اسمى خالص ونفسى اغيره ايه رايك؟ |
|
| سهير .. ده اسم جميل وانا مش مع رأيك |
| Tarek |
انت بيجد زى العسل و نفسى اكون زيك و الناس كلها تحبنى زيك..... و انا سعيد الى شفت واحد زيك انا ممكن اكون صحبك؟؟؟ |
|
| اكيد فيه ناس بتحبك يا طارق صحابك جبرانك زمايلك ، الناس متقدرش تعيش من غير حب ومش لازم دائما يبان فى تصرفاتهم ... شكرا على رسالتك |
| shiks |
انا كلمتك يا ميكا قبل كده ومردتش ليه منفض ولا مشغول وعامل فيها مهم عيب لما متردش علينا عشان احنا مش صغيرين يا مان ارجو الرد والإعتذاااااااااااااااااااااااااار |
|
| انا كنت بختبرك بس للاسف منجحتش فى الاختبار ، خلاص كان فاضل لك شهر وانشر رسالتك بس انت استعجلت
:P |
| fahmy |
ميكا انت اهلاوي ولازملكاوي |
|
| انا مصراوى وبشجع حسن شحاته |
| M |
ازيكم ازيكم انا جاي ارشق عندكم |
|
| ارشق يا خويا ارشق بس ما تعملش دوشة |
| Dr Mody |
صباح الفل يا ميكا انا كنت عايز أسألك في حاجة من زمان هو إحنا ممكن في يوم نبقي زي دول العالم الأول ولا هنفضل ورا كدة علي طول إديني رأيك؟؟؟ |
|
| العالم العربى والاسلامى كان فى قمة الحضار والتقدم زمان، ونقلنا علومنا ومعرفتنا للغرب وهما اتقدموا بيها بس احنا رجعنا لورا ... ان شاء الله نرجع احسن من الاول بناس زيك يا دكتور تحب العلم وتحب تعلم الناس وتخدم وترفع اسم بلدها لفوق باخلاص وامانه واخلاق |
